कोलकाता,   प्रधानमन्त्री-नरेन्द्रमोदिनः जन्मदिने (१७ सितम्बर) सम्पूर्णदेशे सह पश्चिमबङ्ग-राज्येऽपि राज्यसर्वकारस्य पक्षतः विविधाः कार्यक्रमाः आयोजयिष्यन्ते। मुख्यमन्त्री शुभेन्दु अधिकारी गुरुवासरे उक्तवान् यत् सम्पूर्णे राज्ये ‘सेवा-संकल्प-अभियानम्’ सञ्चालितं भविष्यति। तदतिरिक्तं आगामी ७ अक्टूबरदिनाङ्के नरेन्द्रमोदिनः मुख्यमन्त्रिरूपेण प्रधानमन्त्रिरूपेण च निरन्तरं २५ वर्षाणां पूर्णतायाः उपलक्ष्येऽपि अनेकाः कार्यक्रमाः आयोजयिष्यन्ते।

मुख्यमन्त्री नवान्नस्थिते राज्यसचिवालये मन्त्रिभिः, विधानसभासदस्यैः, अधिकारिभिः च सह कार्यक्रमाणां सज्जताविषये सभाम् अकरोत्। सभायाः अनन्तरं सः अवदत् यत् १७ सितम्बरदिनाङ्के प्रधानमन्त्रीजन्मदिवसस्य अवसरे सूर्यास्तस्य अनन्तरं सम्पूर्णे राज्ये ‘आशीर्वादानां दीपाः’ इति कार्यक्रमः आयोजयिष्यते। अस्मिन् कार्यक्रमे एककोट्यधिकाः परिवाराः सहभागिनः भविष्यन्ति इति अपेक्षा अस्ति। अस्य मुख्यः कार्यक्रमः कोलकातानगरे हुगलीनद्याः तटे आयोजयिष्यते।

शुभेन्दु अधिकारी अवदत् यत् १७ सितम्बरदिनाङ्के नवान्नभवनम्, विक्टोरिया स्मारकभवनम्, प्राचीनराज्यसचिवालयः राइटर्स् बिल्डिङ्ग् इत्यादयः विविधाः शासकीयाः ऐतिहासिकाः च भवनाः दीपैः अलङ्करिष्यन्ते। तदतिरिक्तं कालीघाटमन्दिरम् इत्यादिषु विविधेषु धार्मिकस्थलेषु अपि दीपप्रज्वलनं भविष्यति।

अस्मिन्नेव दिने ‘बालकानां स्वप्नस्य भारतम्’ इति कार्यक्रमस्य अन्तर्गतं राज्यस्य ८० सहस्राधिकेषु विद्यालयेषु अध्ययनरताः छात्राः चित्रकला, भाषण, वाद-विवाद तथा प्रश्नोत्तरी-प्रतियोगितासु भागं गृह्णन्ति। एताभिः प्रतियोगिताभिः बालकाः वर्ष २०४७ पर्यन्तं विकसितभारतस्य विषये स्वविचारान् स्वप्नांश्च प्रस्तुतं करिष्यन्ति।

मुख्यमन्त्री अवदत् यत् कार्यक्रमानां समये केन्द्रसर्वकारस्य विविधजनकल्याणकारीयोजनाभिः जनानां प्राप्तलाभानामपि सूचना प्रदास्यते। तासु प्रधानमन्त्री-आवास-योजना, आयुष्मान् भारतम्, पीएम सूर्यघर-योजना च प्रमुखाः सन्ति। १७ सितम्बर् दिनाङ्के सायकल-यात्राः, मोटरसायकल-रैलयः तथा पदयात्राश्च आयोजयिष्यन्ते।

सः अवदत् यत् ७ अक्टूबरदिनाङ्के नरेन्द्रमोदिनः मुख्यमन्त्रिरूपेण प्रधानमन्त्रिरूपेण च निरन्तरं २५ वर्षाणां पूर्णतायाः अवसरे राज्यस्य प्रत्येकस्मिन् जिलामुख्यालये सार्वजनिककार्यक्रमाः आयोजयिष्यन्ते। नरेन्द्रमोदी ७ अक्टूबर २००१ दिनाङ्के गुजरातस्य मुख्यमन्त्रिपदं स्वीकृतवान् आसीत् तथा २०१४ तमे वर्षे प्रधानमन्त्रिपदं प्राप्तुं यावत् तस्मिन् पदे आसीत्।

शुभेन्दु अधिकारी इत्यस्य अनुसारं ७ अक्टोबर् दिनाङ्के प्रधानमन्त्री नरेन्द्रमोदी आभासी-माध्यमेन देशस्य सर्वेषां जिलान् सम्बोधयिष्यति। अस्मिन् अवसरे पश्चिमबङ्गे स्वच्छता-अभियानं तथा रक्तदान-शिविराणि अपि आयोजयिष्यन्ते।

राज्यस्य पर्यटन-विभागः वन-विभागश्च संयुक्तरूपेण ‘रङ्गोली राष्ट्रम्’ तथा ‘सेवा-संकल्प-अभियानम्’ इत्यनयोः अन्तर्गतं १०८ मीटर् उच्चस्य ‘भारत-मण्डलम्’ नामकस्य कला-प्रतिष्ठानस्य निर्माणस्य दिशि कार्यं करिष्यतः।

मुख्यमन्त्री अवदत् यत् राष्ट्रिय-नवोन्मेष-चुनौती इत्यस्य पूर्वीयचरणं कोलकातास्थिते नेताजी इण्डोर् स्टेडियम् इत्यत्र आयोजयिष्यते।

मुख्यमन्त्री उक्तवान् यत् गुरुवासरे सम्पन्नायां सभायां निश्चितं जातं यत् एते सर्वे कार्यक्रमाः उत्तमस्तरेन तथा देशस्य अन्यराज्यैः सह प्रतिस्पर्धात्मकरीत्या आयोजयिष्यन्ते।

किन्तु नन्दीग्राम तथा रेजीनगर विधानसभाक्षेत्रयोः उपनिर्वाचनं प्रस्तावितं भवति इति कारणेन तत्र आदर्शाचारसंहिता प्रवर्तते। शुभेन्दु अधिकारी स्पष्टं कृतवान् यत् एतयोः विधानसभाक्षेत्रयोः राज्यसर्वकारस्य पक्षतः आधिकारिककार्यक्रमाः न आयोजयिष्यन्ते। तथापि राजनैतिकाः, निजीसंस्थाः तथा सामाजिकसङ्घटनानि स्वस्तरेण कार्यक्रमान् आयोजयितुं शक्नुवन्ति।